بعد أكثر من ساعتين في بيت الصالحي كان نور يجلس مع مدرس اللغة العربية و كاد المدرس أن ينفجر من الغضب و هب قائلاً "يابني... يا حبيبي... وحياة أبوك تركز شوية"
نور:"أبويا تعيش أنت يا مستر." المدرس:"الله يرحمه و يحسن إليه طيب و رحمة أبوك تركز معايا."
نور:"سوري يا مستر... براحة عليه شوية يا مستر ما حضرتك عارف إني ضياع في العربي و محتاج شوية وقت بس... ماتنساش يا مستر ان في العربي بالذات درجاتي في مش أد كده و مدرستي مدرسة فاشلة أساساً فإستحملني شوية بس يا مستر"
المدرس:"يابني يا حبيبي خد إعفاء و ريح نفسك و ريحني معاك يا أخي... حرام عليك أنا السكر بدأ يعلا عندي... حتموتني ناقص عمر" نور (بإبتسامة سخرية محاولاً أن يداريها)"بعد الشر يا مستر إن شالله عدوينك.. خلاص يا مستر وعد إن <أبذل قصار جهدي>" المدرس:"أيوة يا خويا ده اللي أنت فالح فيه... أما نشوف أخرتها معاك".
بعد قليل رن محمول نور... كان المنبه لينذره بالوقت.
"gotta go get my sister from her college، see you laterسلام بقى يا مستر" قال نور، ثم رد عليه المدرس بوجه متعجب ملئ بالأسئلة قائلا "وماله يابني ربنا معاك"
و كان المدرس يجمع أغراضه و علامات وجهه تجعل أي شخص يقع على الأرض ضاحكاً، يبدو أن المدرس لم يفهم كلمة مما قاله نور.
في الجامعة كانت ملك أنهت محاضرتها و خرجت من الجامعة و وجدت محمد و هو حبيبها بانتظارها خارج الجامعة. ذهبت ملك إليه. محمد شاب يعمل محامي و ابن أحد أساتذة ملك. و هو شخص طويل القامة و لديه جسم رياضي، وسيم الوجه، بشرته بين القمحي و الأبيض عيناه عسليتان بهما قليل من اللون الأخضر و متوسطة الحجم، شعره بني داكن يميل للأسود.
عندما ذهبت ملك إلي محمد قال فرحاً بلقائها "أية القمر ده... ماشفتكيش الصبح يعني، اية؟؟!!!"
ملك:"معلش بقى... أصل أخويا هو اللي وصلني أنهارده"
محمد:"أنا نفسي أعرف بقي أية حكاية أخوكي اللي لازقلك في كل حتة ده ؟؟ و أصلا أول ماعرفتك ماكنتش أعرف ان ليكي أخ أساساً... الوحيدة اللي اتعرفت بيها و شفتها كانت أختك هدى الله يرحمها و من ساعت ما اتوفت وانت مش بتجيبي سيرتها ولا حتي قلتلي سبب الوفاة" "عشان أصلاً ده شئ مايخصش جنابك" سمع محمد هذه العبارة من شخص خلفه و هو نور.
No comments:
Post a Comment