شبه ميت

أنا إنسان شبه ميت
لأ أنا ميت بدرجة جيد

أنا إنسان من غير طموح
جسد من غير روح
قلب مليان جروح
بسببك يا زمن

بسببك علمت الناس القاسية
علمتهم إزاي يمحوا الحنية
و أخرت طريقة دي هي
باعوك بأرخص ثمن

الإنسانة الطاهرة الشريفة
اللي دايما نفسها عفيفة
حولتها بين يوم و ليلة
لإنسانة لا تعرف الا الندم

الولد بالنسبة له بنات الناس لعبة... بس أخته مكتوب عليها ممنوع الإقتراب أو التصوير
أصل دلوقتي تغير الإنسان للأسوأ بقى بسيط... ماهو مافيش أسهل من قتل الضمير
الإنسان في الأول يبهرك بأدبه و أخلاقه... و بعدها تندهش لسوء سلوكه و آدابه
الواحدة تبان كتومة للأسرار... و يطلع منها كل الأضرار
الإنسان يبقى قطة مغمضة... و يطلع أنصح مننا

و دة أنا شفته بعينية
شفت الإختلاف في ثانية
و نزلت دمعتي على خدي
و كتمت فمي بيدي
عشان أحبس الألم جوايا و مطلعوش
عشان أخبئ الصراخ اللي جوايا و مسمعوش

و اللي يعيش ياما يشوف
وأنا ياما شفت الرعب و الخوف
من أقرب الناس لعقلي
من أحب الناس لقلبي
و قلبي إتجرح كتير
و نزيف دمه كبير
حتي فقد نبضه
و غاب وعيه
و ذهبت روحه
ومعها جروحه
بعيدا عنك يا زمن
يا أرخص ثمن
يمكن دفعه لإنسان محطم

 

 

تأليف:شري السيد