الناس ماشية بوشين

منين ماعرف ناس أحبهم حب كبير

و على أد مقدر أدي من الحب كتير

لكن يعدي العمر و أشوف حقيقتهم

و يتحول حبي لكره بمقدار وقاحتهم

لا أنا بجد و بصراحة بكدب على نفسي بالكلام

مهما يجرحوني جروح تزود في قلبي الألام

بأسامح وأحن عشان ميهونش علية العشرة

وأرجع أنسى إن وشوشهم متغطية بقشرة

كل واحد مخبي وشه بوش مختلف و جديد

إشي صادق و إشي صديق و إسي بريء

و تيجي تقشر قشرة الوش المضروب

ما تلاقيش غير كره و كدب و حقد منكوب

من ساعتها و كل الناس ماشية بوشين

الكل بيضحك و شايل سكينة في الايدين

و يا حسرة على اللي بلا وشوش إحتياطي

يمر بكل حاجة محملة بالظلم و المقاسي

بقيت أمشي في الشارع و أصرخ بأعلى حسي

محدش معاه من الوش زيادة أغطي به وشي

الطيبة و الصدق و الحب و الأخلاص

محدش شاريهم بقيت زي المرض للناس

يالا مابدهاش بقى شكلي لازم أكون فالصو وتقليد

عشان أعيش سعيدة، مرتاحة و متجرحش من جديد